matar1215

منوع
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

شاطر | 
 

 كل ما قلت المحبه قالت الأيام مافي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشافي الكافي المعافي
Admin
avatar

عدد المساهمات : 7135
تاريخ التسجيل : 10/08/2016

مُساهمةموضوع: كل ما قلت المحبه قالت الأيام مافي   الثلاثاء نوفمبر 01, 2016 5:19 am


كلميني عن حياتك وش تحبي؟ وش تخافي؟
كلميني لا يردك مستحى أو عنجهيه

كلميني بكل صراحه قبل لا أبعد واجافي
عن معاناتك وجرحك والظروف السرمديه

كلميني لا يغرك شاعر منتف وحافي
والله اني لي مشاعر غير عن كل البريه

هو صحيح ان القصايد رايحه فيها يا كافي
لكن الرك عالمعاني احلفي ماهي قويه؟

نرجع لمحور حديثي جاوبي يا قلب صافي
وش سبب حزنك وخوفك وش سبب هذا وذيه ؟

ما قنعتيني بردك يوم قلتي لي عوافي
عندي احساس بمراره نشترك فيها سويه

منيتي أعرف سببها يا الشعور الحيل دافي
يمكن ألقى في جوابك ما يبردها هنيه

من سنه والوجد ناره ما تطفيها المطافي
والزمن والحظ الاقشر كلهم صاروا عليه

كل ما قلت المحبه قالت الأيام مافي
شحت الدنيا الصبايا كنها صارت خليه !

واحرمتني من سعاده تكتمل لحظة زفافي
لعنبوها وش سؤالي؟ ما طلبت الا صبيه

البلا بفيروس حبي نام في حضن المكافي
لا وانا فبالي يعدي نورتن ويبطح خويه

كيف ابفلح بالمحبه والعشق يمشي خلافي
لو يطاوعني خفوقي وارفع بعشقي قضيه

ايه معروف بغروري ايه معروف بجفافي
وقسوة القلب وعنادي والتفاكير الغبيه

لكن الحب بالنهايه غصب عن مبعد ولافي
يدخل ويفرض مكانه لو بها موت ومنيه

ما يقول انسان فارغ ما يقول انك خرافي
ما يهم ان كنت عابد او بشر كلك خطيه

عنده البادي كتابه نفس من روض قوافي
والخبل والصاحي واحد كلهم من نفس حيه

بس لا دقيت بابه يعتبر نفسه اضافي
جت عالمحتاج يعني؟ تبت ايدين العطيه

يوه انا شكلي نسيتك وش تحبي وشتخافي؟
سامحيني مو بيدي اعتذر يا الأجوديه

وشهو رايك لو طلبنا مويه وبيبسي وكافي؟
وش تقولي لو خذينا وقت مستقطع شويه؟

صدقيني حيل منهك واحلم بجنبي لحافي
والكلام اللي ذكرته جدد جروحٍ خفيه

واحدث جروحي قصيده سجلي فيها اعترافي
" اكتشفت اني احبك " وانتظر ردك عليه ؟

_________________








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://matar1215.forumarabia.com
 
كل ما قلت المحبه قالت الأيام مافي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
matar1215 :: خواطر-
انتقل الى: